من الضرورى ان نهتم بالاتيكيت فى كل مواقف حياتنا وعاداتنا اللى بنعملها
كل يوم زى الاكل والملابس وطريقه القاعده والكلام واهم حاجه لازم نهتم بفن
الاتيكيت فيها هى اللبس لان هو اكتر حاجه بتظهر للناس ويقدروا يحكموا علينا
منها بدون ما يعرفونا ومن الحاجات اللى لازم تهتمى بيها فى اللبس انك تلبسى
اللبس المناسب للمناسبه والمكان مثلا ممنوع ان تكونى فى مكان العمل بملابس
فيها شغل تزيين كتير او الوانات كتير مبهرجه لبس العمل لازم يكون هادى وراقى ولا
يزيد عن لونين فى الطقم والاكسسوارات قليله وكفايه قطعه واحده او اتنين بالكتير من
الاكسسوارات وبالنسبه للافراح بيكون مطلوب لبس ملفت ومزين وفى نفس الوقت
بسيط وعدم المبالغه فى تزيينه مثلا ان يلمع الفستان بالاكسسوار اللامعه اللى
بتزين الفساتين السواريه من منطقه واحده سواء عند الصدر او منطقه تانيه ويكون
باقى الفستان من القماش بخامته العاديه وكل الالوان مسموحه ماعدا الابيض لان
لازم العروسه بس اللى تكون لابسه ابيض اما بالنسبه للمناسبات العاديه زى اعياد
الميلاد او السهرات او حفلات التخرج او الخطوبه لا تلبسى سواريه البسى فستان عادى
وبسيط وانسب خامه الستان والالوان الساده او تزيينها بسيط والاوان مبهجه والاكسسوارات
المعقوله وفى الخروجات العاديه لازم تتبعى بعض النصايح زى عدم المبالغه فى الميكاب
والالوان الكتير وخاصة فوق العيون خلى المكياج بسيط ويظهر ملامحك الطبيعيه ولا تلبسى
قطعتين فيها خطوط مختلفه زى خطوط الطول والعرض اختارى نوع واحد ولا تدخلى الوانات
كتير فى الطقم الواحد هما لونين فقط وممنوع لبس النضاره الشمس بعد دخولك مكان مقفول
او وانتى بتتكلمى مع شخص ولا تلبسى فساتين السهرات الرقيقه او الحفلات بالنهار ابدا
فن الاتيكيت في اللبس ,تعلمى فن اللبس بشياكه
فنون اتيكيت فى الملبس
