الهامبورجر اكله شهيره جدا بيحبها الشباب وكل الناس وحاجه اساسيه
بتتعمل فى كل المطاعم وكل شخص يحب انه يعمله فى البيت ويكون نفس
الطعم وشهى زى المطاعم والمحلات وعشان تعمليه اشهر والذ كمان من
المطاعم تابعى معانا الخطوات اول حاجه مكوناته لحمه مفرومه وبيضه
مضروبه وزيت وبيكنج باودر وملح وبقسماط مخلوط وفلفل اسمر ناعم وتوم
وبصل وبهارات اللحمه وقلبى كل المكونات فى بعضها وتعمليها زى العجينه
وبعدين هتحطيها فى القوالب الصغيره على شكل دايره اللى هتحدد شكل
البرجر واضغطى اللحمه فيها وبعدين اقلبى دواير البرجر فى طاسه فى زيت
على النار وتكون كميه قليله من الزيت بحيث تقلبيها فى الزيت من الجهتين
لمدة دقايق وطلعيه من الزيت ويكون جاهز تحطيه بين قطعتين من العيش
واتستخدمى الخضراوات زى الخس والطماطم وحطى الكاتشب والمايونيز
والمشروم على البرجر جوا العيش وهيكون شكله رائع زى المطاعم واهم
حاجه البطاطس المقليه جنب البرجر وبكدا تكون اكله مطاعم وصحيه